“El Gir de Santa Maria”
Mario Dossena
Cume l’era bela Santa Maria anni indre
quand ghera Lusieta Stria Cundu
el prestinè e l’usteria de Matè
sul canton fra stoffe pizzi e merletti
ghera el negosi de Panzetti,
ultra ala strada a purtada de man
ghera la maceleria de Gigiu Mantuan
un po’ pusè endrè
ghera el negosi de Usonio el Tabachè
el barbè Marchin e endun cantunin
la drugheria de Caghin
Maria Latera e Basanin
due la gent indeuna tò le granite
cun le tasine e le marmite
e propi visin a la lateria de Basanin
ghera Piveta ancà lu barbè
e la fusina de Cremonesi Pepin frè
dopo la muradela ennans un bucon
giù da la discesa ghe el Palason
e steva li el Giald Bulgia con la so Rusina
e i Curti detti Percalina.
Ida Muluna la so visina la Baruna
e tra i alter inquilin
la famiglia di Cabrin.
Teresa Rosa Saroni la mama de Seren
i stevun li sul terapien.
Turnand endrè li su un canton
steva Margheriton la dona de Bigion;
de frunt a lur ghera la dimora
del Dritu e Rachele Mora.
Dopu gli scavi la Casina de Curnalba Natal
e li dedrè el deposit de la Tal.
En su l’ angul en una caseta su du piani
abitavano i Cellani
En su la tirada de la siura Teresina
con la fida cameriera Natalina,
un po’ pusè su abitava el Lusù
en curtil Anna la Balia e i Truncon
che con l’ asu e la baretina
s’incamminava ogni mattina
per el paes a vend patate e limon,
oli d’uliva e savon.
Su la scala i Murei
tre surele e tre fradei
en fianc a la so finestra
la ca de Maria Lesta
che de fioi ghe na una cesta
el bel l’è che i se ciamun Dellavia
invece i stevun en Santa Maria.
Turnand en piasa oltre la strada ghera una purtina
ingresso della casa de Maria Curtlina
en fianc a le la cà dei Vacchini Zobi
e dopo loro el purton de Pinin detto il Moro.
Oh cume l’era bela Santa Maria
en tera batuda bastea una piiuda
per furmas de le buse
se te sevi bun no da nudà
te riscevi de negà; e num fioi
una vintina de Marioi,
perché tuti i ghevun una barca de fioi,
en mancansa de discoteche e television
se divertivem a giugà ai quater canton
a giugà a scund i legur apus al casin dla pesa
fin quand la siura Teresa
stufa de sentim, con la scua
la mandea ogni dun a ca sua.
La rimpiangi cun nustalgia
che la bela Santa Maria
e mi l’ ho semper di
e la ripeti anca chi
i mumenti pusè bei dei fioi de Santa Maria
fu el period che ndevem a tò
el menis a la Varia.
Ringraziamo di cuore il Sig. Mario Dossena che ci ha autorizzato a pubblicare questa sua meravigliosa poesia!
